२६ फाल्गुन २०७७, बुधबार ०५:५१ बुधवार साप्ताहिक, नयाँबानेश्वर, काठमाण्डौं

‘सधैं तिम्रो सम्झनामा’ विमोचित

विराटनगर । साहित्यकार लक्ष्मी श्रेष्ठको मुक्तकसंग्रह ‘सधैं तिम्रो सम्झनामा’ विराटनगरमा आयोजित कार्यक्रममा विमोचन गरिएको छ ।
पूर्वाञ्चल साहित्य प्रतिष्ठानले आयोजना गरेको कार्यक्रममा राष्ट्रियसभाका निवर्तमान सदस्य एवं प्राज्ञ खेम नेपाली, साहित्यकार लक्ष्मी उप्रेती, प्रतिष्ठानका अध्यक्षसमेत रहेका प्राज्ञ विवश पोखरेल, साहित्यकार देवी पन्थी, वरिष्ठ कलाकार माया पौडेल आशावादी, कृष्णभूषण बल स्मृति प्रतिष्ठानकी प्रमुख संरक्षक शोभा लामा बललगायतले संयुक्त रूपमा विमोचन गरेका थिए ।
विमोचित कृतिबारे समालोचक एवं मुक्तककार भूषण ढुंगेल र हरि कट्टेलले समीक्षा गरे । कार्यक्रममा साहित्यकार भरत गुरागाईं, राधिका गुरागाईं, मीनकुमार नवोदित, चूडामणि नेपाल ‘अकिञ्चन’ लगायतले विमोचित मुक्तकसङग्रहभित्रका मुक्तक वाचन गरे । त्यसैगरी वरिष्ठ साहित्यकार भुवन ढुंगाना, प्राज्ञ खेम नेपाली, लक्ष्मी उप्रेती, साहित्यिक पत्रकार जयदेव भट्टराई, देवी पन्थीलगायतले शुभकामना मन्तव्य व्यक्त राखेका थिए । पूर्वाञ्चल साहित्य प्रतिष्ठानले प्रकाशित गरेको संग्रहभित्र २ सय २० वटा मुक्तक छन् । श्रेष्ठको यसअघि पनि विभिन्न कृति प्रकाशित भइसकेका छन् ।