३ भाद्र २०७८, बिहीबार ०५:२५ बुधवार साप्ताहिक, नयाँबानेश्वर, काठमाण्डौं

कांग्रेस नेता प्रदीप गिरीको स्वास्थ्यमा गम्भीर समस्या, मुम्बईमा उपचार हुँदै

३ भदौ, काठमाडौं । नेपाली कांग्रेसका नेता प्रदीप गिरीको स्वास्थ्यमा गम्भीर समस्या देखिएको छ । उनको अहिले मुम्बईस्थित हिन्दुजा अस्पतालमा उपचार भइरहेको छ ।

एक साताअघि स्वास्थ्यमा समस्या देखिएपछि उनी उपचारका लागि मुम्बई गएका थिए । गिरीको उपचारमा चिकित्सक सुल्तान प्रधान नेतृत्वको चिकित्सक संलग्न रहेको छ ।

नेता गिरीको स्वास्थ्यमा जटिल समस्या देखिएपछि कांग्रेस उपसभापति विमलेन्द्र निधि बिहीबार मुम्बई जाँदैछन् ।

जनकपुरमा रहेका निधि आज बिहीबार भारतको दरभंगासम्म गाडीमा र त्यहाँबाट हवाई यात्रामार्फत मुम्बई जाने उनका प्रेस सल्लाहकार रामजी दाहालले बताए ।

उपचारका लागि मुम्बई जानुअघि गिरी र निधिबीच भेट भएको थियो ।