२३ माघ २०७९, सोमबार ११:४४ बुधवार साप्ताहिक, नयाँबानेश्वर, काठमाण्डौं

रेमिट्यान्स २४ प्रतिशतले बृद्धि, ६ महिनामा पाँच खर्ब ८५ अर्ब भित्रियो

२३ माघ, काठमाडौं । नेपालमा चालु आर्थिक वर्षको पुस मसान्तसम्म रेमिट्यान्स २४.३ प्रतिशतले वृद्धि भएको छ । चालु आर्थिक वर्षको ६ महिना अवधिमा ५ खर्ब ८५ अर्ब रुपैयाँ बराबरको रेमिट्यान्स भित्रिएको छ।नेपाल राष्ट्र बैंकले सार्वजनिक गरेको पछिल्लो वित्तीय विवरणअनुसार पुस मसान्तसम्म रेमिट्यान्स २४.३ प्रतिशतले वृद्धि भएर पाँच खर्ब ८५ अर्ब ८ करोड पुगेको छ ।

अघिल्लो वर्षको सोही अवधिमा रेमिट्यान्स आप्रवाह ५० प्रतिशतले घटेको थियो । अमेरिकी डलरमा विप्रेषण आप्रवाह १३.९ प्रतिशतले बढेर चार अर्ब ५० करोड पुगेको छ । अघिल्लो वर्ष यस्तो आप्रवाह ५.७ प्रतिशतले घटेको थियो ।