३२ जेष्ठ २०८०, बिहीबार १०:१३ बुधवार साप्ताहिक, नयाँबानेश्वर, काठमाण्डौं

मधेश प्रदेशको जिम्मेवारी लिनुअघि भट्टराईले गरे जानकी मन्दिरमा पूजा

३२ जेठ,काठमाडौँ । नेकपा (एमाले) का सचिव एवम् मधेश प्रदेश इञ्चार्ज योगेश भट्टराईले मधेश प्रदेशको जिम्मेवारी सम्हालेका छन् ।
आज (बिहीबार) सामाजिक सञ्जाल फेसबुकमा उनले लेखेका छन्, ‘नेकपा (एमाले) मधेश प्रदेशको जिम्मेवारी ग्रहण, जानकी मन्दिर दर्शन ।

उनले सामाजिक सञ्जालमा राखेको भिडिओमा जानकी मन्दिरमा पूजा गरेको देख्न सकिन्छ । जेठ १९ गते बसेको एमाले सचिवालय बैठकले नेताहरुको जिम्मेवारीमा ब्यापक हेरफेर गरेको थियो ।

सातै प्रदेशका इञ्चार्ज परिवर्तन गरी केन्द्रीय सचिवलाई प्रदेश इञ्चार्जको जिम्मेवारी दिइएकोमा उनलाई मधेश प्रदेशमा पठाइएको हो । यस्तै, कोशी प्रदेशमा सचिव रघुवीर महासेठ, गण्डकीमा गोकर्ण विष्ट, लुम्बिनीमा पद्मा अर्याल, कर्णालीमा लेखराज भट्ट र सुदूरपश्चिममा छविलाल विश्वकर्मा इञ्चार्ज भएका छन् ।