१० मंसिर २०७७, बुधबार ०६:४३ बुधवार साप्ताहिक, नयाँबानेश्वर, काठमाण्डौं

टेलिकममको थप आकर्षक अफर

काठमाडौं । नेपाल टेलिकमले हाल उपलब्ध गराइरहेको अटम अफरअन्तर्गतको प्रतिदिन एक जिबी डाटा प्याकलाई थप सुविधासहित केही परिमार्जन गरेको छ । उक्त अफर गत शुक्रबार राति १२ बजेबाट लागू भएको छ ।
हाल उपलब्ध भइरहेको प्रतिदिन एक जिबी डाटा प्याकअन्तर्गत प्रतिदिन एक जिबी डाटा प्रयोग गर्न सकिने गरी सात दिनका लागि २ सय ५० रुपैयाँमा उपलब्ध भइरहेको प्याक र २८ दिनका लागि ८ सय ५० रुपैयाँमा उपलब्ध भइरहेको प्याकमा भ्वाइस सुविधा थप हुनेगरी नयाँ इको भ्वाइस प्लस डाटा कम्बो प्याक ल्याइएको हो । सोअनुसार इको भ्वाइस प्लस डाटा कम्बो प्याक २ सय ५० रुपैयाँमा प्रतिदिन १४ मिनेटको हिसाबले जम्मा ९८ मिनेट भ्वाइस कल र प्रतिदिन १ जिबी डाटाको हिसाबले जम्मा ७ जिबी डाटा सात दिनभित्र प्रयोग गर्न सकिने छ । यसैगरी ८ सय ५० रुपैयाँमा प्रतिदिन १४ मिनेटको हिसाबले जम्मा ३ सय ९२ मिनेट भ्वाइस कल र प्रतिदिन एक जिबी डाटाको हिसाबले जम्मा २८ जिबी डाटा २८ दिनभित्र प्रयोग गर्न सकिनेछ ।