४ जेष्ठ २०८३, सोमबार ०४:४८ बुधवार साप्ताहिक, नयाँबानेश्वर, काठमाण्डौं

तनहुँ जलविद्युत आयोजनाको निर्माण प्रगति ७५ प्रतिशत नाघ्यो

काठमाडौं । तनहुँ-तनहुँ जलविद्युत आयोजनाले तनहुँ जिल्लाको सेती नदीमा निर्माण गरिरहेको १४० मेगावाट क्षमताको तनहुँ जलविद्युत आयोजनाको समग्र भौतिक प्रगति ७५ दशमलव ५ प्रतिशत पुगेको जनाएको छ।

नेपाल विद्युत प्राधिकरणको पूर्ण स्वामित्वमा रहेको यस आयोजनामा नेपाल सरकार, प्राधिकरण तथा विभिन्न अन्तर्राष्ट्रिय विकास साझेदारहरूको लगानी रहेको छ। आयोजनाअन्तर्गत बाँध तथा संरचना, मुख्य सुरुङ र विद्युतगृह तथा दमौली–भरतपुर २२० केभी प्रसारण लाइन गरी तीन प्याकेजमा निर्माण कार्य भइरहेको छ।

हाल मुख्य बाँध निर्माणका लागि आवश्यक सुरुङ, पहुँच सडक, अस्थायी बाँध तथा नदी फर्काउने संरचनाहरू निर्माण सम्पन्न भइसकेका छन्। मुख्य बाँधको कंक्रिट कार्य समेत औपचारिक रूपमा सुरु गरिएको आयोजनाले जनाएको छ।

आयोजनाअन्तर्गत बाँध तथा संरचना निर्माणतर्फ उल्लेखनीय प्रगति हासिल भएको छ भने समग्र आयोजना निर्धारित लक्ष्यअनुसार अघि बढिरहेको जनाइएको छ।