१२ भाद्र २०७८, शनिबार ०२:१९ बुधवार साप्ताहिक, नयाँबानेश्वर, काठमाण्डौं

बाढीपीडितलाई भारतले दियो आठ करोडको राहत

भदौं १२, काठमाडौं । छिमेकी मित्रराष्ट्र भारतले नेपालका बाढी, पहिरो प्रभावितहरुलाई आठ करोड रुपैंया बराबरको राहत सामाग्री प्रदान गरेको छ ।

नेपालका लागि मिशन उप–प्रमुख नामग्या खम्पाले भारत सरकारको तर्फबाट तीे राहत सामाग्री नेपाल–भारत महिला मैत्री समाजकी अध्यक्ष तथा सांसद चन्दा चौधरी र प्राज्ञिक विद्यार्थी परिषद्का अध्यक्ष नारायण ढकाललाई हस्तान्तरण गरे ।

नेपालका १५ जिल्लाहरुमा बाढी तथा पहिरोबाट प्रभावित परिवारहरुका लागि वितरण गर्न लागिएको सो राहत सामग्रीमा टेन्ट, प्लास्टिक सिट, स्लीपिङ्ग म्याट र औषधिहरु रहेको दुतावाबाट जारी विज्ञप्तीमा जनाइएको छ । ती राहत सामाग्री पर्सा, बारा, रौतहट, सर्लाही, धनुषा, महोत्तरी, सिराहा, सप्तरी, रुपन्देही, गोरखा, मनाङ, सिन्धुपाल्चोक, रसुवा, दोलखा र धादिङ जिल्लामा वितरण गरिने बताइएको छ ।