६ फाल्गुन २०७१, बुधबार ०८:२७ बुधवार साप्ताहिक, नयाँबानेश्वर, काठमाण्डौं

स्थिति सहज बनाऊ

सरकारी कार्यालयहरूको स्थानान्तरणको विषयलाई लिएर विगत केही दिनदेखि बारा जिल्लामा भएको आन्दोलन र त्यसबाट उत्पन्न असहज परिस्थितिप्रति राष्ट्रिय मानव अधिकार आयोगको गम्भीर ध्यानाकर्षण भएको छ । सो सम्बन्धमा आयोगको टोली घटनास्थलमा पुगी अनुगमन गरिहेको छ ।
लोकतान्त्रिक परिपाटीमा असहमतिका विषयमा शान्तिपूर्वक विरोध प्रदर्शन पाउने नागरिकको नैसर्गिक अधिकार भए पनि आफ्नो अधिकारको उपभोग गर्दा अरूको अधिकारमा असर नपरोस् भन्नेतर्फ सचेत रहन आयोग आन्दोलनरत पक्षको ध्यानाकर्षण गराउँदछ ।
आन्दोलनरत पक्ष र सुरक्षाकर्मी दुवैलाई संयमित रहन तथा वार्ता र संवादको माध्यमबाट समस्याको समाधान खोज्न आयोग आन्दोलनरत पक्ष र सरकारको ध्यानाकर्षण गराउँदछ ।
स्थानीयस्तरका सरकारी कार्यालयहरू स्थानान्तरण गर्दा स्थानीय नागरिकको सरोकारलाई ध्यानमा राखी निर्णय गर्न पनि आयोग सरकारको ध्यानाकर्षण गराउँदछ ।
– मोहना अन्सारी
प्रवक्ता, राष्टिय मानवअधिकार आयोग