६ जेष्ठ २०७२, बुधबार ०९:०१ बुधवार साप्ताहिक, नयाँबानेश्वर, काठमाण्डौं

भारतबाट भएको सहयोग यस्तो छ

नेपाली सेनाको मल्टिनेशनल मिलिटरी कोअर्डिनेशन सेन्टर (एमएनएमसीसी) को संयोजकत्वमा खोज, उद्धार तथा राहत कार्यमा आएका भारतीय सेनाको सर्च एण्ड रेस्क्यू टिम, मेडिकल टिम तथा वायुसेनाको टोलीले हालसम्म काठमाडौंबाट भूकम्पबाट प्रभावित विभिन्न जिल्लाहरुमा ४ सय ७७ पटक उडान भरी १ हजार ३ सय ५७ जना स्वदेशी तथा १ सय ६४ जना विदेशी नागरिकहरुलाई उद्धार गरिसकेको छ ।
भूकम्पबाट प्रभावित भएको विभिन्न जिल्लाहरुमा भूकम्पपीडितहरुका लागि अति आवश्यक खाद्यान्न र अन्य राहत सामग्रीहरु गरी कुल जम्मा १ लाख ९२ हजार २ सय ९५ के.जी. पुर्‍याइसकेको छ । त्यसैगरी पोखराबाट भारतीय वायुसेनाले बैशाख २६ गतेसम्म खाद्यान्न र अन्य राहत सामग्री गरी १ लाख ५० हजार ५ सय ९० के.जी. राहत सामग्रीहरु भूकम्पबाट प्रभावित विभिन्न स्थानहरुमा पुर्‍याइसक्नुका साथै  घाइते, बिरामी तथा अलपत्रमा परेको स्वदेशी तथा विदेशी गरी ९ सय २० जना नागरिकहरुको सकुशल उद्धार गरिसकेको छ । साथै, मित्रराष्ट्रहरुको सेनाले गर्ने प्रत्येक उडानमा नेपाली सेनाको तर्फबाट एक सम्पर्क अधिकृत र सुरक्षाको निमित्त एक सैनिक समेत खटिइने गरेको छ ।
– सैनिक जनसम्पर्क निर्देशनालय
नेपाली सेना