१५ भाद्र २०७३, बुधबार ०४:४० बुधवार साप्ताहिक, नयाँबानेश्वर, काठमाण्डौं

सेटिङ मिलाएर रुस्लानमा लेबलिङ

काठमाडौं । नेपालमा अहिले सर्वाधिक बिक्री हुने रुस्लान भोड्का बजारमा नक्कली आवरणमा आउन थालेको छ । बोतल र प्याकिङ समेत उस्तै–उस्तै देखिने गरी हरेक परिमाणको सो भोड्का नक्कली प्याकिङमा आउन थालेपछि त्यसको गृणस्तरको बारेमा प्रश्नसमेत उठ्न थालेको छ ।
धापासीस्थित ग्राण्डी अस्पतालको छेउमा रहेको एक गोप्य घरबाट यसको नक्कली लेबलिङ हुने गरे पनि सबैतिरबाट सेटीङ मिलाइएकाले अहिलेसम्म कुनै कारबाही हुन नसकेको बताइन्छ । राम श्रेष्ठ नाम गरेका व्यापारीले सो कामका लागि २० आना जग्गामा टहरो हालेर खालि राखेको बताइएको छ । उनले दर्ताबाल मदिरा विक्रेतालाई प्यान र भ्याट दर्ताको प्रमाणपत्र लिएर आए होलसेल दरमा जत्ति पनि मदिरा दिन सकिने बताउँदै आएका छन् ।
तर उपभोक्ताहरूले भने पछिल्लो समय नक्कली स्वाद देखा परेकाले यसको छानविन गर्नुपर्ने आवाज उठाएका छन् । पहिले सेतो चेप्टो आकारको बोतलमा पाइने भोड्का अहिले निलो गोलाई आकारको बोतलमा आउने गरेको छ । उक्त टहरोबाट महराजगञ्ज प्रहरी वृत्तले पनि एक घुमुवा मार्फत हजारौं रकम बुझ्ने गरिएको बुझिएको छ ।