५ आश्विन २०७३, बुधबार ०६:५८ बुधवार साप्ताहिक, नयाँबानेश्वर, काठमाण्डौं

ग्लोबल आइएमईले १६ प्रतिशत लाभांश दिने

काठमाडौं । ग्लोबल आईएमई बैंकले गत आर्थिक वर्षमा १ अर्ब ३८ करोड २२ लाख २३ हजार ९ सय ९८ रुपैयाँ खुद मुनाफा आर्जन गरेको छ । बैंक सञ्चालक समितिको गत बुधबार बसेकोे बैठकले नेपाल राष्ट्र बैंक तथा बैंकको वार्षिक साधारणसभाको स्वीकृतिपश्चात् वितरण योग्य मुनाफासमेतबाट आफ्ना सेयरधनीलाई १६ प्रतिशत लाभांश ( बोनस सेयर) वितरण गर्ने प्रस्ताव पारित गरेको छ ।

बोनस सेयर वितरणपश्चात् बैंकको चुक्ता पुँजी ७ अर्ब १५ करोड ५ लाख ५० हजार ३ सय ४२ रुपैयाँ पुग्नेछ । बैंकले सबै क्षेत्र र वर्गसम्म बैंकिङ सेवाको पहुँच पु¥याउने उद्देश्यले विभिन्न स्थानमा शाखा, एक्सटेन्सन काउन्टर तथा शाखारहित बैंकिङ सेवामार्फत आफ्ना ग्राहकहरूमाझ सेवा प्रदान गर्दै आइरहेको छ । ७६.८४ अर्ब निक्षेप, ६४.६३ अर्ब कर्जा लगानी रहेको बैंकको हाल ९१ वटा शाखाहरू, १० वटा राजस्व संकलन काउन्टर, १ सय ३ एटीएम, ६ वटा एक्सटेन्सन काउन्टर तथा ४२ शाखारहित बैंकिङ सेवा रहेका छन् । त्यस्तै, बैंकले अत्याधुनिक प्रविधियुुक्त मोबाइल बैंकिङ सेवा, इन्टरनेट बैंकिङ सेवाको साथमा अस्टे«लिया, मलेसिया, भारत, दक्षिण कोरिया, कतार, यूएई, बहराइनलगायतका मुलुकबाट रेमिट्यान्स सेवासमेत प्रदान गर्दै आइरहेको छ ।