३१ जेष्ठ २०७४, बुधबार ०७:२५ बुधवार साप्ताहिक, नयाँबानेश्वर, काठमाण्डौं

यूएई एक्सचेन्जबाट पैसा पठाउन अझ सहज ।

काठमाडौं । ग्लोबल आईएमई बैंकले यूएई एक्सचेन्जसँगको सहकार्यमा यूएई एक्सचेन्जबाट नेपालमा पैसा पठाउन सहज व्यवस्था मिलाएको छ । यूएई एक्सचेन्ज खाडी (गल्फ) मुलुकको सबैभन्दा ठूलो एक्सचेन्ज कम्पनी हो । खाडी मुलुकमा कार्यरत नेपालीहरूले उक्त एक्सचेन्ज कम्पनीमार्फत नेपालमा रहेका आफ्ना आफन्तहरूलाई ग्लोबल रेमिटमार्फत पठाएको पैसा छिटोछरितो र सहज रूपमा नेपालमा रहेका ग्लोबल आईएमई बैंकका सम्पूर्ण शाखा तथा आईएमई रेमिटेन्स, बेस्ट रेमिट एन्ड एस रेमिटका ७ हजारभन्दा बढी एजेन्टबाट तत्काल भुक्तानी लिन सकिनेछ ।
ग्लोबल आईएमई बैंकले स्थापनाकालदेखि नै यूएई, कतार, बहराइन, इन्डिया, अस्ट्रेलिया, जापान, मलेसिया, दक्षिण कोरियालगायतका मुलुकहरूका बैंक तथा एक्सचेन्ज हाउसहरूसँगको सहकार्यमा रेमिट्यान्स कारोबारलाई विशेष प्राथमिकतामा राखी सेवा प्रदान गर्दै आइरहेको छ ।