२४ भाद्र २०७८, बिहीबार १२:४७ बुधवार साप्ताहिक, नयाँबानेश्वर, काठमाण्डौं

मुस्ताङ हेलिकप्टरले पायो उडान अनुमति

२४ भदौ, काठमाडौं । नेपाली आकाशमा निजी लगानीमा थप एक हेलिकप्टर कम्पनीले सेवा प्रारम्भ गरेको छ ।

मुस्ताङ हेलिकप्टर प्रालिले बिहीबार नेपाल नागरिक उड्डयन प्राधिकरणबाट उडान अनुमति पाएको हो ।

कम्पनीका अध्यक्ष तथा प्रवन्ध निर्देशक रोनन लामिछानेका अनुसार कम्पनीले बिहीबारबाटै सेवा प्रारम्भ गरेको छ । कम्पनीसँग एयरबस हेलिकप्टर रहेको छ । यो कम्पनीले अब आफ्नो सेवा रेस्क्यू, चार्टर्ड, कोभिड-१९ बिरामीको उद्धार, एरियल फोटोग्राफी, कार्गो सिलिङजस्ता काममा केन्द्रित हुने उनले जनाए ।

यो नेपालमा सञ्चालनमा आएको ११ औं हेलिकप्टर कम्पनी बनेको छ । कोरोना महामारीका बीचमा आएको यो कम्पनीले आगामी दिनमा सेवा विस्तार गर्दै जाने समेत बताएको छ ।