५ जेष्ठ २०८३, मंगलवार ०९:२९ बुधवार साप्ताहिक, नयाँबानेश्वर, काठमाण्डौं

प्रधानमन्त्री बालेनले बोलाए विशेष मन्त्रिपरिषद् बैठक

काठमाडौं । प्रधानमन्त्री बालेन्द्र शाहले आज अपराह्न ४ बजे मन्त्रिपरिषद् बैठक बोलाएका छन् । बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने तय भएको छ ।

सरकारका विभिन्न मन्त्रालयबाट आएका प्रस्तावमाथि छलफल गर्नुका साथै पछिल्लो समय चर्चामा रहेका समसामयिक विषयमा समेत बैठक केन्द्रित हुने बताइएको छ । नियमित प्रशासनिक कामसँगै राष्ट्रिय महत्वका एजेन्डा, सरकारी निर्णय र आगामी रणनीतिबारे पनि गम्भीर छलफल हुन सक्ने अनुमान गरिएको छ ।

सरकारको आगामी नीति, विकास योजनाको प्रभावकारी कार्यान्वयन तथा जनचासोका विषयलाई प्राथमिकतामा राखेर बैठक अघि बढ्ने स्रोतले जनाएको छ । पछिल्ला दिनहरूमा सरकारमाथि बढ्दो दबाब र विभिन्न क्षेत्रबाट उठिरहेका प्रश्नका बीच बस्न लागेको यो बैठकलाई अर्थपूर्ण रूपमा हेरिएको छ ।

सिंहदरबारमा हुने आजको मन्त्रिपरिषद् बैठकबाट केही महत्वपूर्ण निर्णय सार्वजनिक हुन सक्ने अपेक्षा गरिएको छ ।