१६ श्रावण २०७५, बुधबार ०७:१४ बुधवार साप्ताहिक, नयाँबानेश्वर, काठमाण्डौं

खनालको शल्यक्रिया

काठमाडौं । पूर्वप्रधानमन्त्री तथा नेकपाका वरिष्ठ नेता झलनाथ खनालको शल्यक्रिया सफल भएको छ । यही साउन ६ गते उपचारका लागि चीन प्रस्थान गरेका वरिष्ठ नेता खनालको प्याराथाइराइड र मिर्गाैला पत्थरीको शल्यक्रिया गरिएकोे हो ।
अहिले शल्यक्रियापछि वरिष्ठ नेता खनाल उपचारमा संलग्न चिकित्सकहरूको निगरानी र नियमित सम्पर्कमा आराम गरिरहेको उनको सचिवालय सदस्य कृष्ण भट्टराईले जानकारी दिए । वरिष्ठ नेता खनालको चीनको सिचुवान प्रान्तस्थित इन्टरनेसनल हस्पिटल अफ सिचुवान प्रोभिन्समा शल्यक्रिया गरिएको हो ।
उनको उपचारमा त्यहाँ १२ जना वरिष्ठ चिकित्स टोली संलग्न थिए । वरिष्ठ चिकित्सक ली नेतृत्वको टोलीले उनको मिर्गाैलाको उपचार गरेको थियो भने अर्का वरिष्ठ चिकित्सक वाङ नेतृत्वको टोलीले स्टोनको शल्यक्रिया गरेको थियो । उनी दुई साताको सफल उपचारपछि सम्भवतः यही साउन २१ गते नेपाल फर्कने बताइएको छ ।