२५ श्रावण २०७८, सोमबार १४:४६ बुधवार साप्ताहिक, नयाँबानेश्वर, काठमाण्डौं

कोभ्याक्सिनलाई अर्को सफलता

२५ साउन, नयाँदिल्ली । कोभिड–१९ विरुद्धको खोप उत्पादक भारतीय कम्पनीले उत्पादन गरेको कोभ्याक्सिन खोपले अर्को सफलता प्राप्त गरेको छ । भारत वायोटेकले उत्पादन गरेको कोभिड विरुद्धको खोप कोभ्याक्सिनले जिएमपि (गुड मेनुफ्याक्चरिङ प्रयाक्टिस) प्रमाणपत्र प्राप्त गरेको छ ।

युरोपियन युनियनको आधाकारिक हंगेरीको एक संस्था नेसनल इन्टिच्युट अफ फार्मेसी एण्ड न्युट्रेसनले कोभ्याक्सिनलाई उक्त प्रमाणपत्र प्रदान गरेको हो ।

भारत वायोेटेकले एक विज्ञप्ती प्रकाशित गर्दै आफूहरुले अन्तर्राष्ट्रिय गुणस्तरको मान्यता पाउनु विश्व महामारीको रुप लिइरहेको कोभिडविरुद्धको एक कोसेढुंगा सावित भएको जनाएको छ । कोभ्यान्सिनले प्राप्त गरेको यो अन्तर्राष्ट्रिय गुणस्तर प्रमाणपत्र युड्रा जिएमडिपिमा पनि सूचिकृत भएको छ । यो भनेको युरोपको मान्यताप्राप्त प्रतिष्ठित जिएमपी संस्था हो ।
यो खोपले डेल्टा तथा डेल्टाप्लस भेरियन्टका लागि पनि प्रभावकारीरुपमा काम गर्ने इन्डियन काउन्सिल अफ मेडिकल रिसर्चको अध्ययनले जनाएको छ ।