६ जेष्ठ २०८३, बुधबार ०८:५१ बुधवार साप्ताहिक, नयाँबानेश्वर, काठमाण्डौं

प्लेकार्ड र अभद्र व्यवहारले संसद अवरुद्ध — सभामुखको कडा चेतावनी श्रम शक्ति पार्टीलाई

काठमाडौं ।  प्रतिनिधिसभाका सभामुख डोलप्रसाद अर्यालले श्रम शक्ति पार्टी, नेपालका सांसदहरूलाई आफ्नो क्रियाकलाप तथा व्यवहार सच्याउन कडा चेतावनी दिएका छन्। बुधबार बसेको प्रतिनिधिसभा बैठकमा पार्टी अध्यक्ष हर्कराज राईसहित सांसदहरूले पुनः प्लेकार्ड देखाउँदै बैठक अवरुद्ध पारेपछि सभामुखले यो कडा कदम उठाउनु परेको हो।

सभाको मर्यादाविपरित संसदमा प्लेकार्ड देखाउने र अभद्र व्यवहार गर्ने कार्य निरन्तर रूपमा हुँदै आएको भन्दै सभामुख अर्यालले प्रतिनिधिसभा नियमावली, २०७९ को नियम ३० अन्तर्गत यो चेतावनी दिएका हुन्।

श्रम शक्ति पार्टीका सांसदहरू दैनिक रूपमा प्रधानमन्त्री बालेन्द्र साहको विरोध गर्दै बैठकमा अवरोध पुर्‍याउँदै आएका छन्। अध्यक्ष राई आफैं बैठक कक्ष छाडेर हिँडिसकेका छन्, जसले संसदीय मर्यादामाथि गम्भीर प्रश्न उठाएको छ। सभामुखको यो चेतावनीपछि पार्टीले आफ्नो रणनीतिमा परिवर्तन गर्छ कि गर्दैन भन्ने प्रश्न संसद वृत्तमा चर्चाको विषय बनेको छ।