२९ माघ २०७१, बिहीबार ०९:२१ बुधवार साप्ताहिक, नयाँबानेश्वर, काठमाण्डौं

टिमुरेमा जनता बैंक

काठमाडौं । सहरकेन्द्रित ठूला बैंकहरूले ग्रामीण क्षेत्रहरूमा पनि शाखा विस्तार गर्न थालेका छन् । यही क्रममा, जनता बैंकले रसुवा जिल्लाको टिमुरेमा आफ्नो ३३औं शाखा
खोलेको छ ।
उक्त शाखाको उद्घाटन बैंकका सञ्चालकद्वय रामचन्द्र शाह र रमेशप्रसाद न्यौपानेले गरेका हुन् । नेपाल र चीनको सीमा क्षेत्रमा रहेको टिमुरेमा शाखा स्थापना गरेपछि त्यसले स्थानीय जनतालाई सेवा प्रदान गर्नुका साथै रसुवागढी नाकाबाट चीनसँग हुने व्यापारिक कारोबारमा समेत सहयोग पुग्ने जनाइएको छ ।
२ अर्ब ६ करोड चुक्ता पुँजी रहेको उक्त बैंकले चालू आर्थिक वर्षको दोस्रो त्रैमासमा १० करोड ९२ लाख नाफा कमाएको बैंकले जनाएको छ । १ लाख १२ हजारभन्दा बढी ग्राहकलाई सेवा दिइरहेको उक्त बैंकमा २१ अर्ब ३० करोड रुपियाँ निक्षेप रहनुका साथै १८ अर्ब ८४ करोड कर्जा प्रवाह गरेको छ ।