११ फाल्गुन २०७०, आईतवार १३:२१ बुधवार साप्ताहिक, नयाँबानेश्वर, काठमाण्डौं

काठमाडौं । कहिले दाइजो नल्याएको निहु“मा बुहारीलाई घर निकाला

काठमाडौं । कहिले दाइजो नल्याएको निहु“मा बुहारीलाई घर निकाला गरेर त कहिले डोलेश्वर मन्दिरमा सपत्नी दर्शन गरेर चर्चामा आउने नेकपा–माओवादीका सचिव सीपी गजुरेलले पछिल्लो समयमा आफ्नै गाडी चालकको रोजीरोटी खोसिदिएका छन् । दलित भएकै कारण गाडी चालक नवराज मैनाली (नेपाली)लाई उनले जागिरबाट निकालिदिएका हुन् ।
धर्मकर्ममा ज्यादा आस्था र विश्वास गर्ने श्रीमतीका कारण गाडी चालक पनि बाहुन नै खोज्ने क्रममा काभ्रे घर भएका नवराज मैनालीलाई गजुरेलले काम दिएका थिए । पार्टी कार्यालयबाट मासिक १० हजार तलब पाउने गरी नियुक्त मैनालीको खास थर नेपाली भएको थाहा लागेपछि गत हप्ता उनलाई जागिरबाट निकालिएको हो । उनको ठाउ“मा अहिले नेत्रविक्रम चन्दका गाडी
चालक इन्द्र श्रेष्ठलाई ल्याइएको छ भने जागिर गुमाएका मैनाली माओवादीको पार्टी कार्यालय बुद्धनगरमा वैकल्पिक व्यवस्थाका लागि धाइरहेका छन् । १० दिनभन्दा बढी धाइसक्दा पनि उनको गुनासो सुनिएको छैन ।
दलित भएकै कारण मैनालीमाथि दुव्र्यवहार भएको समाचार केही महिनाअघि बुधबार साप्ताहिकमा प्रकाशित भएको थियो । काठमाडौं नरेफा“टको घर बेचेर कोटेश्वरमा फ्ल्याट भा“डामा लिएका गजुरेल परिवारले सो समाचार प्रकाशित भएपछि पनि चालक मैनालीलाई छुवाछूत व्यवहार गर्दै आएको थियो । उनलाई बस्नका लागि तल्लो तलामा एउटा कोठा दिइएको थियो भने माथिल्लो तलामा जान निषेध गरिएको थियो । त्यस्तै, उनलाई खाना पनि होटलमा खुवाउने गरिएको थियो । पार्टीले दलित कार्यकर्ताका छोराछोरीलाई छात्रवृत्तिमा पढाउने भनेपछि मैनालीले छोरीको थर नेपाली लेखाएका थिए । त्यस घटनापछि गजुरेलले उनलाई जागिरबाट हटाएका हुन् ।