७ माघ २०७१, बुधबार ११:२७ बुधवार साप्ताहिक, नयाँबानेश्वर, काठमाण्डौं

कुमारीद्वारा वित्तीय साक्षरता तालिम

काठमाडौं । कुमारी बैंक लिमिटेडले आफ्नो संस्थागत सामाजिक उत्तरदायित्व अन्तर्गत बूढानीलकण्ठमा वित्तीय साक्षरता तालिम सञ्चालन गरेको छ ।
नेपाल बैंकिङ इन्स्टिच्युटको संयोजकत्वमा भएको उक्त तालिमबाट विभिन्न सहकारीका महिला कर्मचारी तथा बूढानीलकण्ठका स्थानीय बासिन्दा गरी ५५ जना लाभान्वित भएका छन्  । जनचेतनामूलक कार्यक्रम केबीएलको संस्थागत सामाजिक उत्तरदायित्वको महत्त्वपूर्ण हिस्साको रूपमा रहँदै आएको छ । बैंकले आगामी दिनहरूमा समेत अन्य विभिन्न मञ्चहरूमा बैंकिङ र वित्तीय क्षेत्रले सम्पूर्ण अर्थतन्त्रमा कसरी योगदान दिन्छ भन्ने विषयमा जनचेतनामूलक कार्यक्रम गर्ने योजना बनाएको छ । विगतका दिनहरूमा पनि कुमारी बैंकले संस्थागत सामाजिक उत्तरदायित्व अन्तर्गत विभिन्न कार्यक्रमहरू गर्दै आएको छ ।