७ माघ २०७१, बुधबार ११:३० बुधवार साप्ताहिक, नयाँबानेश्वर, काठमाण्डौं

अखिलमा पद विभाजन

हेटौंडा । अध्यक्षबाहेक अन्य पदमा विवाद देखिएपछि रोकिएको अनेरास्ववियु मकवानपुर जिल्ला कमिटीमा पद विभाजन भएको छ ।
केही दिनअघि भएको जिल्ला अधिवेशनले सन्तोष पौडेललाई अध्यक्ष पदमा निर्विरोध चयन गरेको थियो । एमाले जिल्ला कमिटीका सचिवालय सदस्य तथा मोर्चा सङ्गठन प्रमुख पद्मा पौडेलको उपस्थितिमा पद बाँडफाँट भएको हो, जस अनुसार अमृत बर्तौला उपाध्यक्ष, किसन घिसिङ सचिव र विशाल पौडेल कोषाध्यक्ष चुनिएका छन् । सहसचिवहरूमा कृष्ण्ँ घिमिरे, कुमार केसी र विभा प्यकुरेल चुनिएको अखिलले जनाएको छ ।
४१ सदस्यीय नयाँ कमिटी गठनपछि विद्यार्थी आन्दोलनलाई प्रभावकारी ढंगबाट अघि बढाइने उपाध्यक्ष अमृत बर्तौलाले बताए ।