१४ माघ २०७१, बुधबार १०:४९ बुधवार साप्ताहिक, नयाँबानेश्वर, काठमाण्डौं

जिफन्टको दोस्रो अधिवेशन सम्पन्न

नुवाकोट । एमाले निकट मजदुरहरूको छाता संगठन नेपाल ट्रेड युिनयन महासंघ (जिफन्ट)को दोस्रो जिल्ला अधिवेशन बिदुरमा सम्पन्न भएको छ । अधिवेशनले आगामी तीनबर्से कार्यकालका लागि भोलाप्रसाद सेढाईंको अध्यक्षतामा ९ सदस्यीय नेतृत्व चयन गरेको छ ।
अधिवेशनले उपाध्यक्षमा मानबहादुर कुमाल र सचिवमा नारायणप्रसाद नेपाल र सहसचिवमा लक्ष्मी प्रधानलाई चयन गरेको छ । पदाधिकारी तथा सदस्यहरूलाई जिफन्टका सदस्य तथा बाग्मती अध्यक्ष रामहरि नेपाल, शिक्षा विभाग सचिव दीपक पौड्याललगायतले टीका लगाएर शुभकामना दिएका थिए ।
यसअघि, अधिववेशनको उद्घाटन गर्दै जिफन्टका महासचिव विष्णु लम्सालले मजदुरहरूको हक, हित र अधिकारका लागि जिफन्टले समानरूपमा हेरिरहेका कारण सबै मजदुरहरू एकै भएको बताए । अधिवेशन अगाडि बट्टारबाट मदननगर हँुदै बिदुरसम्म हजारौं मजदुरहरले र्‍याली गरेका थिए ।