२९ माघ २०७१, बिहीबार ०९:१९ बुधवार साप्ताहिक, नयाँबानेश्वर, काठमाण्डौं

शाह ‘कुशल व्यवस्थापक’

काठमाडौं । एनएलजी इन्स्योरेन्सका प्रमुख कार्यकारी अधिकृत विजयबहादुर शाह कुशल व्यवस्थापक सम्मानबाट सम्मानित भएका छन् । नेपाल व्यवस्थापन संघ (म्यान)ले प्रत्येक वर्ष प्रदान गर्दै आइरहेको उक्त सम्मानबाट सन् २०१४ का लागि शाहलाई सम्मानित
गरेको हो ।
निर्जीवन बिमा कम्पनी एनएलजीका सीईओ शाहलाई गत आइतबार उपप्रधान तथा गृहमन्त्री वामदेव गौतमले सम्मान गरेका हुन् । सम्मानित हुने शाह नेपाल बिमक संघका
अध्यक्षसमेत हुन् ।
यसैबीच, एनएलजी इन्स्योरेन्सले लम्जुङ जिल्लाको बेंसीसहरमा कृषि बिमा लक्षित कृषि शाखा सञ्चालनमा ल्याएको छ । व्यावसायिक सेवा सञ्चालनका लागि देशका २७ स्थानमा शाखा र उपशाखा खोली उक्त इन्स्योरेन्सले सेवा प्रदान गर्दै आइरहेको छ ।