२० फाल्गुन २०७१, बुधबार १०:२८ बुधवार साप्ताहिक, नयाँबानेश्वर, काठमाण्डौं

एमाले केन्द्रीय कमिटीमा आठ थपिए

काठमाडौं । नेकपा (एमाले) स्थायी कमिटीको हिजो बसेको बैठकले आठ जनालाई वैकल्पिक केन्द्रीय सदस्यमा मनोनयन गरेको छ । बैठकले पाँच  र तीन गरी ८ जनालाई मनोनीत गरेको हो । तीन जनालाई एकता प्रक्रियाबाट आउनेलाई छुट्याइएको २० प्रतिशतको कोटाबाट मनोनीत गरिएको हो ।
हिजो मनोनीत हुनेहरूमा खगेन्द्र चुँडाल, देवशंकर पौडेल, मानबहादुर जिसी, रूपनारायण श्रेष्ठ, झपट रावल, प्रल्हाद गिरी, डा. देउमान सम्बाहाम्फे र भाष्कर काफ्ले छन् । गिरी एमाओवादीबाट एमाले प्रवेश गरेका हुन् भने सम्बाहाम्फे र काफ्ले मालेबाट एमालेमा आएका हुन् । बैठकमा केन्द्रीय सदस्यहरूको कार्यविभाजनको एजेन्डा भए पनि हिजोको बैठकमा त्यसबारे छलफल नभएको बताइन्छ ।