गच्छदारको पद धरापमा
काठमाडौं । एकता प्रक्रियाबाट पुरानो घर नेपाली कांग्रेसमा फर्किएका नेता विजयकुमार गच्छदार अन्ततः पेन्डुलम हुने भएका छन् । एकताको एक वर्षसम्म पार्टीमा जिम्मेवारीविहीन बनाइएका उनलाई गत कात्तिक २० गते बसेको केन्द्रिय समिति बैठकले बहुमतका आधारमा उपसभापतिमा मनोनीत गरेको थियो । प्रक्रियाविपरीत मनोनीत गरिएको भन्दै रामचन्द्र पौडेलसमूहले विरोध जनाएको थियो । विधानविपरीत राजनीतिक निर्णय गरेर उपसभापति बनाइए पनि अहिले फेरि केन्द्रीय कार्यसमितिमा पेस गरिएको विधान पारित भएका उनी पेण्डुलम बन्नेछन् ।
अहिले कांग्रेस विधानले दुई जना उपसभापतिको कल्पना गरेको छैन । त्यहीकारण गच्छदारलाई राजनीतिक निर्णयका आधारमा एक जना उपसभापति विमलेन्द्र निधि हुँदाहुँदै उपसभापतिमा मनोनीत गरिएको थियो । तर, अहिले विधान संशोधनका लागि सभापति शेरबहादुर देउवा खेमाकै नेता पूर्णबहादुर खड्काको संयोजकत्वमा गठित कमिटीले फेरि पनि पदाधिकारीको संख्या नबढाउने गरी संशोधित विधानको प्रस्ताव केन्द्रीय समिति बैठकमा पेस गरेको छ । यो प्रस्ताव देउवा समूहकै नेता संयोजक रहेको कार्यदलले पेस गरेको छ र पौडेल समूह गच्छदारको मनोनयसँग असन्तुष्ट भएको हुनाले संशोधन जस्तो पेस गरिएको छ, त्यस्तै पारित हुने बताइन्छ ।
यसो भएको अवस्थामा उपसभापति पद बचाइराख्न गच्छदारले महासमिति बैठक कुर्नुपर्ने हुन्छ । महासमितिले पदाधिकारी संख्या बढायो र उपसभापति पनि दुई जना राख्ने निर्णय ग¥यो भने मात्र उनको पद जोगिने नत्र खुस्कने बताइन्छ
सम्बन्धित समाचार
- बालुवाटारमा नयाँ गठबन्धनको बैठक जारी
- राष्ट्रियसभाका अध्यक्षसहित २० सांसदको पदावधि आजदेखि सकिने
- संसद भवन परिसरमा लघुवित्त ऋणी छिरेकोबारे छानबिन गर्न समिति गठन
- काठमाडौं महानगरका तीन कर्मचारी निलम्वनमा
- एमालेको संकल्प यात्राले किन भोली एक दिनका लागि मध्यपहाडी रुट छाड्दैछ ?
- बोलेरोले ठक्कर दिँदा शिक्षक र लेखापालको मृत्यु
- रत्नपार्क–सूर्यविनायक द्रुत बस सेवा आजबाट फेरि शुरु
- परिवारका चार जनाको हत्या घटनामा संलग्न शाहीलाई प्रहरीले आज सार्वजनिक गर्दै
- विमानस्थलमै कुटाकुट गर्ने दुई पाइलटको लाइसेन्स निलम्बित
- ओमानसँगको खेलमा नेपालले पहिले बलिङ गर्ने
- बारामा प्रिन्सिपलको हत्या प्रेमिकाकै ब्वाइफ्रेण्डबाट
- राष्ट्रिय टिमबाट सन्दीपले लिए नाम फिर्ता
Leave a Reply