१ पुष २०७५, आईतवार ०६:४१ बुधवार साप्ताहिक, नयाँबानेश्वर, काठमाण्डौं

आईजी खनाल पुरानै पथमा

काठमाडौं । नेपाल प्रहरीका आइजीपी सर्वेन्द्र खनाल पनि पुरानै पथमा हिँडेका छन् । बढी व्यावसायिक भनेर प्रचारमा आएका उनले आफ्ना विश्वासी केही अधिकारी खटाएर प्रहरी संगठनका स्वायत्त एकाइहरूमा पनि दखल दिन थालेका र स्वार्थअनुरूप काम लगाउन थालेको गुनासो आएको छ ।
निर्मला पन्तको बलात्कारपछि हत्या भएको विषयमा आफ्नो संयन्त्र परिचालन गरेर सत्यतथ्य उजागर गर्नुपर्नेमा त्यस्तो काममा शून्य प्रगति हासिल गरेका खनालले कुवेरसिंह राना आईजीपी हुँदा हटाइसकेको मार्सल टोलीलाई पुनः सक्रिय पारेका छन् ।
मार्सल टोलीले हरेक जिल्ला प्रहरी कार्यालयको लगत तथा आयव्यय जहाँबाट जतिबेला पनि माग्न सक्ने र अनुगमनसमेत गर्न सक्ने अधिकार राख्छ । टोलीले छड्के अनुगमन गर्ने र दोषी देखिए कारबाहीको सिफारिससमेत गर्न सक्छ । स्वायत्त जिप्रकाहरूलाई स्वतन्त्र रूपमा काम गर्न दिनुपर्छ भन्ने मनशायले हटाइएको सो टोली आईजी खनालले फेरि ब्युँताएर एसपी सन्दीप भण्डारीलाई त्यसको प्रमुख बनाएका छन् । एसपी भण्डारी मुख्यालयसँगै रहेको एक नम्बर गणका प्रमुखसमेत हुन् । भण्डारीले सो जिम्मा पाएसँगै त्यसका आधारमा दुरुपयोग गर्दै हिँडेको बताइएको छ ।