१९ मंसिर २०८०, मंगलवार ०९:४६ बुधवार साप्ताहिक, नयाँबानेश्वर, काठमाण्डौं

जेठ ३–७ मा महाधिवेशन गर्ने एकीकृत समाजवादीको निर्णय

१९ मंसिर, काठमाडौं । एकीकृत समाजवादीले आगामी जेठ ३–७ मा महाधिवेशन गर्ने भएको छ । केन्द्रीय सचिवालयको बैठकले माघ १४–१८ का लागि तोकिएको महाधिवेशन जेठमा सार्ने निर्णय गरेको हो ।

प्रचार विभाग प्रमुख जगन्नाथ खतिवडाका अनुसार महाधिवेशन २०८१ जेठ ३–७ काठमाडौंमा हुनेछ । महाधिवेशनमा पेश गर्ने दस्तावेजहरुको मस्यौदा गर्न पार्टीका अध्यक्ष माधवकुमार नेपालको नेतृत्वमा २७ सदस्यीय समिति बनाइएको छ ।

माघमा भने राष्ट्रिय सम्मेलन हुने भएको छ । पार्टीको विधानका कतिपय व्यवस्थामा छलफल गर्नुपर्ने भएकाले माघ १४ र १५ मा राष्ट्रिय सम्मेलन गर्ने निर्णय भएको खतिवडाले बताए ।