१९ मंसिर २०८०, मंगलवार ०५:०३ बुधवार साप्ताहिक, नयाँबानेश्वर, काठमाण्डौं

एनसेलको शेयर खरिदबिक्री चलखेलविरूद्ध अनेरास्ववियुको विरोध प्रदर्शन

१९ मंसीर, काठमाडौं । नेकपा एमाले निकट विद्यार्थी सङ्गठन अनेरास्ववियुले लैनचौरस्थित दूरसञ्चार सेवा प्रदायक कम्पनी एनसेलको कार्यालय अगाडि विरोध प्रदर्शन गरेको छ । एनसेलको शेयर खरिदबिक्रीमा भएको चलखेलविरुद्ध अनेरास्ववियुले प्रदर्शन गरेको हो ।

प्रदर्शनमा सहभागीहरूले ‘बाइकट एनसेल, एनसेलको आयव्यय सार्वजनिक गर, नो ट्याक्स नो सिम, रिजेक्ट एनसेल’लेखिएका प्लेकार्ड बोकेका छन् ।

एनसेलको ८० प्रतिशत शेयर नेपाल बाहिरै बिक्री भएको थियो । अहिले सो विषय चाैतर्फी रुपमा विवादित बनेको छ ।

यस्तै आजै एनसेलको सर्वोच्च अदालतमा पूँजीगतलाभकरसम्वन्धी एउटा मुद्दाको सुनुवाइ हुँदै छ ।