१८ आश्विन २०७८, सोमबार ०२:१९ बुधवार साप्ताहिक, नयाँबानेश्वर, काठमाण्डौं

काठमाण्डौ महानगरपालिकाको सभापतिमा नीलकाजी शाक्यको प्यानल विजयी

१८ असोज, काठमाडौं । नेपाली कांग्रेस काठमाण्डौ महानगरपालिकाको सभापतिमा नीलकाजी शाक्य विजयी भएका छन् ।
कांग्रेस काठमाडौं महानगरपालिकाको हिजो भएको निर्वाचन मत गणनाअनुसार शाक्यले ७८६ मत ल्याएर विजयी भएका हुन् । उनका निकटतम प्रतिद्वन्द्वी प्रगतिमान रञ्जितले ३२९ मत प्राप्त गरेको प्रमुख निर्वाचन अधिकृत नरेन्द्रकुमार केसीले जानकारी दिए ।

नेपाल तरुण दलका पूर्व केन्द्रीय सदस्य समेत रहेका शाक्य २०७४ सालमा सम्पन्न काठमाडौं महानगरपालिकाको स्थानीय निर्वाचनमा वडा नं २५ बाट निर्वाचित वडाध्यक्ष समेत हुन् । यस्तै दुई उपसभापतिमा सुशीला ढकाल र शान्तकुमार महर्जन, दुई सचिवमा सुशन वैद्य र पुरुषोत्तम खकुरेल, दुई सहसचिवमा विमला लामिछाने र अमृत मानन्धर निर्वाचित हुनुभएको प्रमुख निर्वाचन अधिकृत केसीले बताए ।