१ जेष्ठ २०८३, शुक्रबार ०४:३३ बुधवार साप्ताहिक, नयाँबानेश्वर, काठमाण्डौं

पर्यटन मन्त्रालयद्वारा नेपाल वायुसेवा निगममा नयाँ नियुक्ति

काठमाडौं । संस्कृति, पर्यटन तथा नागरिक उड्डयन मन्त्रालयले नेपाल वायुसेवा निगमको रिक्त सञ्चालक सदस्य पदमा ५ जनालाई नियुक्त गरेको छ। मन्त्रालयले शुक्रबार सूचना जारी गर्दै खुला प्रतिस्पर्धाबाट छनोट भएका उम्मेदवारहरूलाई नियुक्ति प्रक्रियाका लागि ७ दिनभित्र उपस्थित हुन आग्रह गरेको हो।

मन्त्रालयका अनुसार निगमको सञ्चालक समितिमा रिक्त रहेका पदहरू पूर्ति गर्न खुला प्रतिस्पर्धामार्फत छनोट प्रक्रिया अघि बढाइएको थियो। सोही प्रक्रियाअनुसार योग्य उम्मेदवारहरू चयन गरी नियुक्ति गरिएको जनाइएको छ।

मन्त्रालयले नियुक्त भएका सदस्यहरूलाई आवश्यक कागजातसहित तोकिएको समयभित्र मन्त्रालयमा सम्पर्क गर्न अनुरोध गरेको छ। समयसीमाभित्र सम्पर्क नगरे प्रचलित कानुनअनुसार थप प्रक्रिया अघि बढाइने मन्त्रालयले जनाएको छ।

नेपाल वायुसेवा निगमको व्यवस्थापन, नीतिगत निर्णय तथा सेवा सुधारमा सञ्चालक समितिको महत्वपूर्ण भूमिका रहने भएकाले नयाँ नियुक्तिले निगमको कार्यसम्पादन प्रभावकारी बन्ने अपेक्षा गरिएको छ।