२ श्रावण २०७८, शनिबार ०७:२४ बुधवार साप्ताहिक, नयाँबानेश्वर, काठमाण्डौं

साउन १५ सम्ममा ३२ लाख डोज खोप आउँछ – स्वास्थ्य मन्त्रालय

२ साउन काठमाडौं । स्वास्थ्य तथा जनसंख्या मन्त्रालयले आउँदो साउन १५ गतेसम्ममा ३२ लाख डोज भेरोसेल खोप नेपाल आइसक्ने जनाएको छ ।

अबको दुई सातासम्ममा चीनबाट ३२ लाख डोज खोप नेपाल आउने जानकारी दिँदै खोप अभियान निरन्तर अघि बढाइने मन्त्रालयका सहप्रवक्ता डा.समीरकुमार अधिकारीले बताएका छन् । ‘१८ वर्षमाथिका सबै नागरिकलाई कोरोनाविरुद्धको खोप दिने योजना सरकारको छ । त्यसका लागि खोप व्यवस्थापनको काम भइरहेको छ । यही साउन १५ गतेसम्म ३२ लाख भेरोसेल खोप नेपाल आइसक्नेछ, डा.अधिकारीले सार्वजनिक सूचना जारी गर्दै भनेका छन् ।

त्यस्तै कोभिसिल्ड खोपको पहिलो डोज लगाएका ६५ वर्षभन्दा माथिका नागरिकका लागि छिट्टै दोस्रो डोज दिने योजना समेत सरकारले बनाएको अधिकारीले बताएका छन् । ‘चरणबद्ध तरिकाले प्राथमिकता प्राप्त वर्गहरुलाई खोप लगाइने छ,’ स्वास्थ्य मन्त्रालयले जारी गरेको सूचनामा भनिएको छ, ‘कोभिसिल्ड खोपको पहिलो मात्रा लगाएका ६५ वर्ष माथिका सबै नागरिकलाई दोस्रो मात्रा खोपको व्यवस्था भइसकेको छ । केही दिनमै ती खोपहरु प्राप्त हुनेछन् ।