२६ श्रावण २०७८, मंगलवार ०९:४२ बुधवार साप्ताहिक, नयाँबानेश्वर, काठमाण्डौं

उपत्यकामा थपियो निषेधाज्ञा ,बिहीबारबाट राति आठ बजेपछि गाडी चलाउन नपाइने

२६ साउन काठमाण्डौ । कोरोना संक्रमण बढ्दै गएपछि काठमाडौं उपत्यकामा निषेधाज्ञा कडा बनाइने भएको छ।

उपत्यकास्थित काठमाडौं, ललितपुर र भक्तपुरका प्रमुख जिल्ला अधिकारीहरुको मंगलबार बसेको बैठकले निषेधाज्ञालाई केही कडाइ गर्दै राति ८ बजेपछि गाडी चल्न नदिने निर्णय लिएको छ।

उपत्यकामा कोरोना संक्रमण बढ्दै गएको अवस्थालाई दृष्टिगत गर्दै निषेधाज्ञामा केही कडाइ गर्ने निर्णय लिएका छौँ, भक्तपुरका प्रजिअ प्रेमप्रसाद भट्टराईले भने भदौ ८ गतेसम्मका लागि राति ८ बजेदेखि सार्वजनिक तथा निजी गाडी चलाउन निषेध गर्ने निर्णय लिएका छौँ।

भट्टराईले कोरोनाको जोखिम झन् बढ्दै गएकाले यस्तो कदम चालिएको बताएका छन्। प्रजिअहरुको बैठकको थप निर्णय केही बेरमा सार्वजनिक गरिने भएको छ।