३० श्रावण २०७८, शनिबार ०६:३९ बुधवार साप्ताहिक, नयाँबानेश्वर, काठमाण्डौं

राष्ट्रपति भण्डारी दुई घण्टा नारायणहिटी संग्राहलयमा

काठमाडौं । राष्ट्रपति विद्यादेवी भण्डारीले शुक्रबार नारायणहिटी संग्राहालयको भ्रमण गरेकी छिन्। उनले संग्राहलयमा दुईघण्टा भन्दा बढी समय बिताएकी थिइन्।

कोरोना कारण बन्द रहेको संग्राहलयका कर्मचारीहरु आन्तरिक साजसज्जा र बन्द कोठा खोल्ने तयारीमा व्यस्त छन्। अहिले दरबारभित्रको रंगरोगन सकिएको छ। बाहिरको फोहोरा बगैँचाको साजसज्जाको काम चलिरहेको छ।

राष्ट्रपति भण्डारीले नारायणहिटी दरबारको वर्तमान अवस्था अवकोलन गर्न अनौपचारिक भ्रमण गरेकी हुन्। त्यसक्रममा उनले त्यहाँको सबै कोठाहरुको अवलोकन गरेकी छिन्।

राष्ट्रपति भण्डारीसामु संग्राहलयका अधिकारीहरुले त्यहाँको वर्तमान अवस्था र समस्याबारे जानकारी गराएका छन्। अधिकारहरुको ब्रिफिङ सुनेपछि उनले त्यहाँ केही बोलिनन्। २ घण्टाबढी समय बिताएकी उनले त्यसक्रममा कुनै प्रतिक्रिया नदिएको बताइएको छ।