९ भाद्र २०७८, बुधबार ०२:२१ बुधवार साप्ताहिक, नयाँबानेश्वर, काठमाण्डौं

नेकपा (एकीकृत समाजवादी) का नेताहरूको आज सनाखत

९ भदौं, काठमाडौं । निर्वाचन आयोगले प्रस्तावित नेकपा (एकीकृत समाजवादी) पार्टीका नेताहरूको सनाखतका लागि आजको समय तोकेको छ ।

बिहान साढे ११ देखि दिउँसो २ बजेसम्म आवश्यक संख्यामा सांसद-केन्द्रीय सदस्य उपस्थित भएर सनाखत गर्नुपर्ने जनाइएको छ । सशरीर उपस्थित भएर सनाखत गर्नुपर्ने आयोगले जनाएको छ ।

प्रस्तावित उक्त पार्टीका नेताहरू मंगलबार पनि काठमाडौंको चन्द्रागिरिमा बसे । उनीहरू भेलाको लागि सोमबारै त्यहाँ गएका थिए । नेता प्रेम आलेका अनुसार आज त्यतैबाट निर्वाचन आयोग जाने तयारी गरिएको छ । नयाँ दल दर्ताको प्रक्रिया अघि बढाएको माधवकुमार नेपाल पक्षलाई आयोगले सनाखतका लागि बोलाएको हो ।