१६ भाद्र २०७८, बुधबार १३:१५ बुधवार साप्ताहिक, नयाँबानेश्वर, काठमाण्डौं

हालसम्म कूल ८४७ जना नेपाली नागरिकको अफगानिस्तानबाट उद्धार

१६ भदौं, काठमाडौं । राजनीतिक संकटग्रस्त अफगानिस्तानबाट थप १४ नेपाली स्वदेश फर्किएका छन् । अफगानिस्तानबाट उद्धार भई दोहा–काठमाडौंको कतार एयरको नियमित उडानबाट मंगलबार साँझ ५ जना र आज विहान नौं गरी थप १४ जना स्वदेश फर्केका परराष्ट्र मन्त्रालयले जानकारी दिएको छ ।

योसँगै हालसम्म कूल ८४७ जना नेपाली नागरिक अफगानिस्तानबाट उद्धार भई काठमाडौं आइपुगेका छन् । काबुलमा उद्दारको पर्खाइमा रहेका थप नेपाली नागरिकहरुलाई उद्दार गरी स्वदेश फर्काउन आवश्यक समन्वय भइरहेको मन्त्रालयले जनाएको छ ।

परराष्ट्रका अनुसार आगमन पश्चात कोभिड–१९ संकट व्यवस्थापन केन्द्रबाट स्वास्थ्य मापदण्ड अनुसार कोभिड–१९ परीक्षण लगायतका प्रक्रिया पूरा गरी आवश्यक व्यवस्थापन गरिएको छ ।