११ कार्तिक २०७८, बिहीबार ०९:५७ बुधवार साप्ताहिक, नयाँबानेश्वर, काठमाण्डौं

प्रतिनिधिसभा बैठक १८ दिनका लागि स्थगित

११ कात्तिक, काठमाडौं । प्रतिनिधिसभाको अर्को बैठक कात्तिक २९ गते बस्ने भएको छ । कात्तिक २९ गते सोमबार दिउँसो १ बजे बस्ने गरी बिहीबारको बैठक सकिएको हो । वैठक १८ दिनका लागि स्थगित गरिएको हो ।

बैठकमा एमालेको अवरोधकाबीच प्रधानमन्त्री शेरबहादुर देउवाको तर्फबाट कानून, न्याय तथा संसदीय मामिला मन्त्री दिलेन्द्रप्रसाद बडूले नेपालको संविधानको धारा २९४ बमोजिम राष्ट्रिय दलित आयोगको वार्षिक प्रतिवेदन आर्थिक वर्ष २०७७/०७८ पेस गरेका थिए ।
त्यस्तै, प्रतिनिधिसभा नियमावली २०७५ को नियम २१० को उपनियम ४ बमोजिम विविध कारणले लगातार १० वा सो भन्दा बढी बैठकमा उपस्थित हुन नसकेका तीन सांसद झलनाथ खनाल, कर्मा घले र प्रदीप गिरीको अनुपस्थितिको सूचनालाई सभाले स्विकृति जनाएको छ ।