१२ कार्तिक २०७८, शुक्रबार ०७:०८ बुधवार साप्ताहिक, नयाँबानेश्वर, काठमाण्डौं

प्रधानन्यायाधीश राणाले तोके ८ पेसी, होला त सुनुवाइ?

१२ कात्तिक, काठमाडौं । प्रधानन्यायाधीश चोलेन्द्रशम्शेर जबराले मुद्दा सुनुवाइका लागि आज शुक्रबार आठवटा इजलासमा पेसी तोकेका छन्।

पेसीअन्तर्गत प्रधानन्यायाधीश राणा र न्यायाधीश डा. कुमार चुँडालको संयुक्त इजलास तोकिएको छ भने अन्य एकल तथा संयुक्त इजलास तोकिएका छन्।

तर यो खबर लेख्दासम्म मुद्दा सुनुवाइ सुरु भएको छैन।

प्रधानन्यायाधीशलाई मन्त्रिमण्डल विस्तारमा भाग खोजेको भन्ने आरोप लागेका कारण न्यायलयमा प्रश्न उठेको र यसबारे स्पष्टीकरण माग्दै अन्य न्यायाधीशले इजलास बहिष्कार गरिरहेकाले गत सोमबारदेखि नै मुद्दा सुनुवाइ हुन सकेकाे छैन।

गत सोमबार सर्वोच्च अदालतको पूर्ण बैठक बसेर समस्या समाधान गर्ने भनिए पनि बैठकै बस्न सकेन।

प्रधानन्यायाधीश राणाले आफूलाई संविधान र कानूनले प्रधानन्यायाधीशका रुपमा जिम्मेवारी दिएको र त्यो पूरा गर्न आफू सक्षम रहेको दाबी गर्दै अन्य न्यायाधीशलाई संविधान र कानुनबमोजिम आआफ्ना जिम्मेवारी पूरा गर्न आग्रह गरेका थिए।

न्यायाधीशकाे इन्कारीका कारण मुद्दा सुनुवाइ हुन नसक्दा टाढाटाढाबाट आएका पालोमा परेका सेवाग्राही मर्कामा परेका छन्। रासस