२४ मंसिर २०७८, शुक्रबार ०९:०४ बुधवार साप्ताहिक, नयाँबानेश्वर, काठमाण्डौं

कांग्रेसको चौधौँ महाधिवेशन औपचारिक रुपमा सुरु

२४ मंसिर, काठमाडौं । नेपाली कांग्रेसको चौधौं महाधिवेशन काठमाडौंको भृकुटीमण्डपमा औपचारिक रुपमा सुरु भएको छ।

निर्धारित समयभन्दा करिब एक घण्टा ढिलो महाधिवेशन सुरु भएको हो। अहिले महाधिवेशनको उद्घाटन सत्रमा अतिथि आशणग्रहण कार्यक्रम चलिरहेको छ।

महाधिवेशनको औपचारिक सुरुवात हुँदै गर्दा नेताहरु पुग्ने क्रम जारी छ। अहिलेसम्म एमाले अध्यक्ष केपी शर्मा ओली पुगिसकेका छैनन्।

कांग्रेसको महाधिवेशनमा सहभागी हुन माओवादी अध्यक्ष पुष्पकमल दाहाल प्रचण्ड पुगिसकेका छन्।

त्यसैगरी जनता समाजवादी पार्टीका अध्यक्ष उपेन्द्र यादव र लोकतान्त्रिक समाजवादी पार्टीका अध्यक्ष महन्थ ठाकुर पनि भृकुटीमण्डप पुगिसकेका छन्।