२३ माघ २०७८, आईतवार १२:१० बुधवार साप्ताहिक, नयाँबानेश्वर, काठमाण्डौं

देउवा र ओलीलाई प्रचण्डको प्रस्ताव : एमसीसीबारे चुनावपछि मात्र छलफल गरौं

२३ माघ, काठमाडौं । सत्तारुढ नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले अमेरिकी सहयोग परियोजना मिलेनियम च्यालेञ्ज कर्पोरेसन (एमसीसी) बारे चुनावपछि मात्रै छलफल गर्न प्रस्ताव गरेका छन् ।

प्रधानमन्त्री शेरबहादुर देउवाको आमन्त्रणमा भएको प्रधानमन्त्री देउवा र एमाले अध्यक्ष केपी ओलीबीचको भेटका क्रममा अध्यक्ष प्रचण्डले यस्तो प्रस्ताव राखेका हुन् । बैठकपछि एमाले महासचिव शंकर पोखरेलले छलफलका क्रममा माओवादी अध्यक्ष प्रचण्डले एमसीसीलाई चुनावपछि मात्र छलफल गर्नु उपयुक्त हुने बताएको जानकारी दिए । उहाँले सामुन्नेमा चुनाव छन् । त्यसैले एमसीसीलाई चुनावसम्मका लागि स्थगित गरौं । सत्ता पक्ष र प्रतिपक्षसहितको सहमतिमा चुनावपछि संसद्मा पेस गरौं त्यो उचित हुन्छ भन्नुभयो फेरि संसद् सञ्चालनमा सहयोग गर्नुस् पनि भन्नुभयो, पोखरेलले भने ।

प्रधानमन्त्री देउवाले भने तत्कालै एमसीसी पास गर्नुपर्ने अवस्था रहेको भन्दै ओली र प्रचण्ड दुवैलाई सहयोग गर्न आग्रह गरेका थिए । जवाफमा एमाले अध्यक्ष ओलीले सत्तापक्षले आफ्नो दृष्टिकोण राखेको अवस्थामा एमाले अनिणर्ित नबस्ने बताएका थिए । अहिले सत्ता पक्षकै एकमत देखिएको अवस्था छैन । सरकारले आफ्नो धारणा राखेको अवस्थामा एमालेले अनिणर्ित रहँदैन, हामी आफ्नो स्पष्ट निणर्य गर्छौ, महासचिव पोखरेलले भने ।

उनले आफूहरूले एमसीसी पास गर्नेबारे पहिले सरकार स्पष्ट होस् भन्ने राय राखेको बताए । ‘यो सरकारले अघि बढाउनुपर्ने विषय हो, त्यसैले पहिले सत्तापक्षले धारणा सार्वजनिक गरोस् तब हामी बोल्छौं भनेका हौं, उनले भने ।