२३ चैत्र २०७८, बुधबार ०५:३० बुधवार साप्ताहिक, नयाँबानेश्वर, काठमाण्डौं

कंगोमा मारिएका नेपाली शान्ति सैनिकको खुल्यो परिचय

२३ चैत, काठमाडौं । अफ्रिकी मुलुक कंगोमा विद्रोहीको आक्रमणबाट मारिएका नेपाली शान्ति सैनिकको परिचय खुलेको छ ।
नेपाली सेनाको जनसम्पर्क निर्देशनालयका अनुसार मंगलबार विद्रोहीको आक्रमणमा परी घाइते भएका सुर्खेत गुर्भाकोट-१४ का सिपाही अनिल गुरुङको मृत्यु भएको हो ।

अपरेसन बाली’ का क्रममा प्रमुख सेनानी निकिल कुँवरको कमाण्मा खटिएको नेपाली शान्ति सेनाको टोलीलाई मंगलबार विद्रोही मिलिसियाले आक्रमण गरेको गर्दा घाइते भएका उनको उपचारका क्रममा निधन भएको हो ।

संयुक्त राष्ट्र संघले विज्ञप्ति जारी गरी मंगलबार भएको विद्रोहीको आक्रमणबाट एक जना नेपाली सैनिकको मृत्यु भएको पुष्टि गरेको हो । संयुक्त राष्ट्रसंघका महासचिवले शोक विज्ञप्ति जारी गरी घटनाको निन्दा गर्दै ती नेपाली सैनिकप्रति श्रद्धाञ्जली अर्पण गरेका छन् ।