१२ असार २०७९, आईतवार ०१:३८ बुधवार साप्ताहिक, नयाँबानेश्वर, काठमाण्डौं

कास्कीका लुम्ले र जुमलेटीमा ठूलो वर्षा, बिहान ९ बजेसम्म सतर्कता अपनाउन आग्रह

१२ असार, काठमाडौं । कास्कीका दुई स्थानमा अति भारी वर्षा भएकाले उक्त क्षेत्रमा बिहान ९ बजेसम्म सतर्कता अपनाउन बाढी पूर्वानुमान महाशाखाले सुझाव दिएको छ।

महाशाखाका अनुसार कास्कीका लुम्ले र जुमलेटी वर्षामापन केन्द्रमा पछिल्लो ६ घण्टामा अति भारी वर्षामापन भएको हो।

महाशाखाले सूचना जारी गर्दै भनेको छ, आसपासका साना खोलामा आकस्मिक बाढी आउन सक्ने र कमजोर तथा भिरालो जमीनमा पहिरो जान सक्ने भएकाले बिहान ९ बजे सम्मै उच्च सतर्कता अपनाऔं।