२९ भाद्र २०७९, बुधबार ०८:०१ बुधवार साप्ताहिक, नयाँबानेश्वर, काठमाण्डौं

चोलेन्द्रले नाम मुछेका न्यायाधीशलाई समितिले बोलायो

२९ भदौ, काठमाडौं । महाअभियोग सिफारिस समितिले सर्वोच्चका बहालवाला ६ न्यायाधीशलाई पनि छलफलका लागि बोलाउने निर्णय गरेको छ ।

समितिको आज बसेको बैठकले निलम्बित प्रधानन्याधीश चोलेन्द्रशम्शेर जबराले नाम लिएका बहालवाला न्यायाधीशलाई पनि बोलाउने निर्णय गरेको हो ।

चोलेन्द्रले नाम लिएका न्यायाधीश, पूर्वन्यायाधीश, नेपाल बार, सर्वोच्च बार, वरिष्ठ अधिवक्ता र अधिवक्ताहरूको नाम लिएका थिए । उनीहरू सबैलाई बोलाउन पत्राचार गर्ने निर्णय बैठकले गरेको छ । अर्को बैठक बिहीबार बस्ने छ । तर, बैठकको समय भने यकिन भइनसकेको समितिका ज्येष्ठ सदस्य रामबहादुर बिस्टले जानकारी दिएका छन् ।