१७ मंसिर २०७९, शनिबार ०७:०६ बुधवार साप्ताहिक, नयाँबानेश्वर, काठमाण्डौं

मधेस प्रदेशका मिडिया काउन्सिल अध्यक्ष भट्टराई मृत भेटिए

१७ मंसिर, काठमाडौं । मधेस प्रदेशका मिडिया काउन्सिलका अध्यक्ष शिवहरि भट्टराई मृत फेला परेका छन् । उनी सर्लाहीको लालबन्दीस्थित एक रिसोर्टमा मृत भेटिएका हुन् ।

भट्टराई नेपाल पत्रकार महासंघ सर्लाही शाखाको साधारणसभामा सहभागी हुन लालबन्दी आएका थिए । राति सुतेका भट्टराई बिहान कोठामै मृत फेला परेका हुन् । ‘राति होलिडे रिसोर्ट’ मा खाना खाएर सुतेका भट्टराईलाई आज बिहान खोजी हुँदा मृत्यु भएको अवस्थामा भेटिएका हुन् ।

बिहान साधारणसभा शुरु हुनै लाग्दा उनको खोजी भएको थियो । हातमा औषधि समेत रहेको र औषधिहरू समेत कोठामा छरिएको अवस्थामा उनी फेला परेका हुन् । कोठामा वान्ता भएको समेत पाइएको छ । भट्टराई नेपाल पत्रकार महासंघ सप्तरी शाखा संस्थापक सभापति र नेपाल पत्रकार महासंघको पूर्व केन्द्रिय उपभापति समेत हुन् ।