२८ पुष २०७९, बिहीबार ०९:०१ बुधवार साप्ताहिक, नयाँबानेश्वर, काठमाण्डौं

प्रदेश–१ को सभामुखमा माओवादीका बाबुराम गौतम निर्विरोध निर्वाचित

२८ पुस, विराटनगर । प्रदेश–१ को सभामुखमा नेकपा (माओवादी केन्द्र) का प्रदेश सभा सदस्य बाबुराम गौतम निर्विरोध निर्वाचित भएका छन् ।

प्रदेश सभाको प्रथम अधिवेशनको तेस्रो बैठकले प्रदेश सभा नियमावली, २०७४ (पहिलो संशोधन समेत)को नियम ७ बमोजिम सभामुखमा गौतम निर्वाचित भएको ज्येष्ठ सदस्य गयानन्द मण्डलले जानकारी दिए ।

सभामुख पदका लागि माओवादीका तर्फबाट गौतमको मात्र उम्मेदवारी परेको थियो । उनको प्रस्तावकमा प्रदेश सभा सदस्य रेवतीरमण भण्डारी तथा समर्थकमा प्रदेश सभा सदस्य नारायणबहादुर मगर, गोपालबहादुर विश्वकर्मा र कमलप्रसाद जवेगु रहेका थिए ।