७ माघ २०७९, शनिबार ०२:२२ बुधवार साप्ताहिक, नयाँबानेश्वर, काठमाण्डौं

उपसभामुखको निर्वाचन आज,इन्दिरा र मुक्ताकुमारी प्रतिस्पर्धामा

७ माघ, काठमाडौं । प्रतिनिधि सभाको उपसभामुख पदका लागि आज (शनिबार) निर्वाचन हुँदैछ । यस पदका लागि दुई जनाको उम्मेदवारी दर्ता भएको छ ।
हिजो अपरान्ह ४ बजेसम्म उम्मेदवारी दर्ताका लागि तोकिएको समय सीमामा दुई जनाको उम्मेदवारी परेको थियो । संघीय संसद् सचिवालयका अनुसार राष्ट्रिय स्वतन्त्र पार्टीकी इन्दिरा राना र नेपाली कांग्रेसकी मुक्ताकुमारी यादवले उम्मेदवारी दर्ता गरेका हुन् । रानाको प्रस्तावक सोविता गौतम र समर्थक एमालेका कृष्णगोपाल श्रेष्ठ, नारायणी शर्मा र राप्रपाका राजेन्द्र लिङ्देन छन् ।

त्यस्तै यादवको प्रस्तावकमा बद्रीप्रसाद पाण्डे छन् भने समर्थकमा नेकपा एकीकृत समाजवादीका मेटमणि चौधरी र लोसपाका सर्वेन्द्रनाथ शुक्ला रहेका छन् । शनिबार १ बजे बस्ने प्रतिनिधि सभामा उम्मेदवारको प्रस्तावमाथि छलफल निणायार्थ प्रस्तुत गर्ने कार्यक्रम छ ।