२३ फाल्गुन २०७९, मंगलवार १२:०५ बुधवार साप्ताहिक, नयाँबानेश्वर, काठमाण्डौं

हाइड्रोजन गाडी चढ्ने तयारीमा छु : प्रधानमन्त्री

२३ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ ले आफू हाइड्रोजन गाडी चढ्ने तयारीमा रहेको बताएका छन् । सोलुखोला दुधकोशी जलविद्युत परियोजना उदघाटन कार्यक्रममा बोल्दै प्रधानमन्त्री प्रचण्डले हाइड्रोजनको प्रयोग गुणात्मक रुपले वृद्धि हुँदै गएको र आफू हाइड्रोजन गाडी चढ्ने तयारीमा रहेको जानकारी दिएका हुन् ।

प्रधानमन्त्री प्रचण्डले भने, ग्रीन इनर्जीबाट ग्रीन हाइड्रोजनतिर जाने यो उत्कृष्ट अवसर हो । डीजेल र पेट्रोलको गाडी होइन, हाइड्रोजन गाडी चढ्ने सुझाव आएको छ । त्यसका लागि पनि मैले तयारी गरेको छु । उनले नेपाल ग्रीन इनर्जीको प्रचुर सम्भावना रहेको देश भएको बताए ।

उनले थपे, प्रकृतिले हामीलाई धेरै चिज दिएको छ । म हाइड्रोजन गाडी तयारीमा छु । हाइड्रोजनको प्रयोग गुणात्मक रुपले वृद्धि हुँदैछ । हाइड्रोजनलाई आर्थिक उत्पादनसँग जोड्न जरुरी छ । अर्थतन्त्र संकट समाधानमा सरकार गम्भीर भएर लागेको छ ।