२८ फाल्गुन २०७९, आईतवार ०५:२२ बुधवार साप्ताहिक, नयाँबानेश्वर, काठमाण्डौं

सिन्धुलीको फिक्कलमा बस दुर्घटना : कम्तिमा छ जनाको मृत्यु

२८ फागुन, सिन्धुली । सिन्धुलीको फिक्कल गाउँपालिकास्थित कुइभिरमा आज यात्रुवाहक बस दुर्घटना भएको छ । ओखलढुंगाको रुम्जाटारबाट काठमाडौं जादैं गरेको बा २ ख ६५९६ नं को सो बस दुर्घटनामा कम्तिमा ६ जनाको घटनास्थलमै मृत्यु भएको स्थानीयले जनाएका छन् ।
घटनास्थलमा रहेका स्थानीयले बताए अनुसार बसको ब्रेक फेल भएपछि कोशीमा झर्नबाट जोगाउन चालकले बसलाई भीरमा ठोकाएका थिए । दुर्घटनामा पाँच जनाको लास निकालिइसकेको र कमितमा १ जनाको लास च्यापिएको अवस्थामा देखिएकाले निकाल्नका लागि जेसिभि मगाइएको छ । च्यापिएको अवस्थामा अरु पनि लास हुन सक्ने अनुमान गरिएको छ ।
घटनास्थलबाट २० जनाभन्दा बढी घाइतेलाई उपचारका लागि काठमाडौं पठाइसकिएको छ । काठमाडौ पठाइएका घाइतेमध्ये ६ जनाको अवस्था गम्भीर रहेको बताइएको छ । मृतकहरु को परिचय खुलिसकेको छैन ।