३ चैत्र २०७९, शुक्रबार ०८:२७ बुधवार साप्ताहिक, नयाँबानेश्वर, काठमाण्डौं

रोज्ने पालो हाम्रो, गृह मन्त्रालय लिएर सरकारमा जान्छौं : उपाध्यक्ष पाण्डे

३ चैत,काठमाडौं । नेकपा एकीकृत समाजवादीका उपाध्यक्ष राजेन्द्र पाण्डेले सरकारमा सहभागी हुँदा आफूहरूले रोजेकै मन्त्रालय लिने बताएका छन्।

उपराष्ट्रपति निर्वाचनपछि सञ्चारर्मीलाई प्रतिक्रिया दिँदै उनले अब रोज्ने पालो आफूहरूको भएको बताए। राष्ट्रपति कांग्रेसले, प्रधानमन्त्री माओवादी र उपराष्ट्रपति जसपाले रोज्यो अब रोज्ने पालो हाम्रो, उनले भने, सरकारमा हामी चौंथो शक्ति, रोजेकै मन्त्रालय लिन्छौ‌ ।

नेकपा एसको प्राथमिकतामा गृह मन्त्रालय रहेको उनले बताए। कम्तिमा तीन मन्त्रालयमा आफूहरूले दाबी गर्ने उनको भनाइ थियो।

मन्त्री कसलाई बनाउने भन्ने निर्णय भने नभइसकेको उनले बताए। तर रोजेकोसहित कम्तिमा तीन मन्त्रालय आफूहरूले लिने, यसमा गठबन्धनबाट पनि धोका नहुने उनको भनाइ थियो।