२० चैत्र २०७९, सोमबार ०६:५६ बुधवार साप्ताहिक, नयाँबानेश्वर, काठमाण्डौं

लडेर ल्याएको लोकतन्त्रविरूद्व बोलेर जनताको अपमान गर्न पाइँदैन : विष्णु रिजाल

२० चैत, जुम्ला । नेकपा (एमाले) का केन्द्रीय सदस्य विष्णु रिजालले जनताले लडेर ल्याएको लोकतन्त्रविरूद्व बोलेर जनताको अपमान गर्न नपाइने बताएका छन् ।

मिसन ग्रासरूट अभियानका लागि जुम्लामा खटिएका रिजालले एक कार्यक्रमलाई सम्बोधन गर्दै केहि लोकतन्त्र विरोधीहरूले जनताले लडेर ल्याएको गणतन्त्रकोविरूद्व बोलिरहेको बताएका हुन् ।

रिजालले पहिला नेकपा एमालेका कार्यकर्ताहरु बलियो हुनुपर्ने बताउँदै ३६४ दिन एमाले बन्ने र भोट हाल्ने दिन अरू नै पार्टीको बन्ने प्रवृत्ति हटाउनु पर्ने धारणा राखेका छन् ।