६ बैशाख २०८०, बुधबार ०८:१७ बुधवार साप्ताहिक, नयाँबानेश्वर, काठमाण्डौं

जग्गा कित्ताकाट खुला गर्ने निर्णय सच्याउन एमालेको माग

६ वैशाख, काठमाडौं । नेकपा (एमाले) की सांसद सरस्वती सुब्बाले जग्गा कित्ताकाट खुला गर्ने सरकारको निर्णय सच्याउन माग गरकी छन् ।

प्रतिनिधिसभाको आज (बुधबार) को बैठकमा उनले पुरानै अवस्थामा कित्ताकाट खोल्दा जमिनको खण्डीकरण बढाउने भएकाले निर्णय सच्याउनु पर्ने बताइन् ।

यसले जमिनको खण्डीकरण बढाउँछ । कृषिभूमि समाप्त पार्ने बाटो खुल्छ । प्राकृतिक जोखिम न्यूनीकरण र सीमान्तकृत समुदायको समस्या समाधानको बाटो बन्द गरिदिन्छ । जमिन दलालीकरण बढ्छ’ उनले बैठकमा भनिन्, त्यसैले पुरानै अवस्थामा कित्ताकाट खोल्ने निर्णय सच्याउन सम्माननीय समामुखमार्फत सरकराको ध्यानकर्षण गराउन चाहन्छु ।

सरकारले मंगलबार जग्गा कित्ताकाट खुला गर्ने निर्णय गरेको थियो । सरकारले अर्थतन्त्र चलायमान बनाउन भन्दै कित्ताकाट खुल्ला गरेको हो ।